Home ≫ ur ≫ Surah At Takwir ≫ Translation
بِسْمِ اللّٰهِ الرَّحْمٰنِ الرَّحِیْمِ
اللہ کے نام سے شروع جو بہت مہربان رحمت والا۔
اللہ کے نام سے شروع جو نہایت مہربان ، رحمت والاہے ۔
اِذَا الشَّمْسُ كُوِّرَتْ(1)
جب دھوپ لپیٹی جائے
جب سورج کو لپیٹ دیاجائے گا۔
وَ اِذَا النُّجُوْمُ انْكَدَرَتْ(2)
اور جب تارے جھڑ پڑیں
اور جب تارے جھڑ پڑیں گے۔
وَ اِذَا الْجِبَالُ سُیِّرَتْ(3)
اور جب پہاڑ چلائے جائیں
اور جب پہاڑ چلائے جائیں گے۔
وَ اِذَا الْعِشَارُ عُطِّلَتْ(4)
اور جب تھلکی اونٹنیاں چھوٹی پھریں
اور جب دس ماہ کی حاملہ اونٹنیاں چھوٹی پھریں گی۔
وَ اِذَا الْوُحُوْشُ حُشِرَتْ(5)
اور جب وحشی جانور جمع کئے جائیں
اور جب وحشی جانور جمع کئے جائیں گے۔
وَ اِذَا الْبِحَارُ سُجِّرَتْ(6)
اور جب سمندر سلگائے جائیں
اور جب سمندر سلگائے جائیں گے۔
وَ اِذَا النُّفُوْسُ زُوِّجَتْ(7)
اور جب جانوں کے جوڑ بنیں
اور جب جانوں کوجوڑا جائے گا ۔
وَ اِذَا الْمَوْءٗدَةُ سُىٕلَتْ(8)
اور جب زندہ دبائی ہوئی سے پوچھا جائے
اور جب زندہ دفن کی گئی لڑکی سے پوچھا جائے گا۔
بِاَیِّ ذَنْۢبٍ قُتِلَتْ(9)
کس خطا پر ماری گئی
کس خطا کی وجہ سے اسے قتل کیا گیا؟
وَ اِذَا الصُّحُفُ نُشِرَتْ(10)
اور جب نامۂ اعمال کھولے جائیں
اور جب نامۂ اعمال کھولے جائیں گے۔
وَ اِذَا السَّمَآءُ كُشِطَتْ(11)
اور جب آسمان جگہ سے کھینچ لیا جائے
اور جب آسمان کھینچ لیا جائے گا۔
وَ اِذَا الْجَحِیْمُ سُعِّرَتْ(12)
اور جب جہنم کوبھڑکایا جائے
اور جب جہنم بھڑکائی جائے گی ۔
وَ اِذَا الْجَنَّةُ اُزْلِفَتْ(13)
اور جب جنت پاس لائی جائے
اور جب جنت قریب لائی جائے گی ۔
عَلِمَتْ نَفْسٌ مَّاۤ اَحْضَرَتْﭤ(14)
ہر جان کو معلوم ہوجائے گا جو حاضر لائی۔
ہر جان کو معلوم ہوجائے گا جو حاضر لائی۔
فَلَاۤ اُقْسِمُ بِالْخُنَّسِ(15)
تو قسم ہے ان کی جو الٹے پھریں
تو ان ستاروں کی قسم جو اُلٹے چلیں ۔
الْجَوَارِ الْكُنَّسِ(16)
سیدھے چلیں تھم رہیں
جوسیدھے چلیں ، چھپ جائیں ۔
وَ الَّیْلِ اِذَا عَسْعَسَ(17)
اور رات کی جب پیٹھ دے
اور رات کی جب پیٹھ پھیر کر جائے۔
وَ الصُّبْحِ اِذَا تَنَفَّسَ(18)
اور صبح کی جب دم لے
اور صبح کی جب سانس لے ۔
اِنَّهٗ لَقَوْلُ رَسُوْلٍ كَرِیْمٍ(19)
بیشک یہ عزت والے رسول کا پڑھنا ہے
بیشک یہ ضرور عزت والے رسول کا کلام ہے۔
ذِیْ قُوَّةٍ عِنْدَ ذِی الْعَرْشِ مَكِیْنٍ(20)
جو قوت والا ہے مالک ِعرش کے حضور عزت والا
جو قوت والا ہے ، عرش کے مالک کے حضور عزت والا ہے۔
مُّطَاعٍ ثَمَّ اَمِیْنٍﭤ(21)
وہاں اس کا حکم مانا جاتا ہے امانت دار ہے۔
وہاں اس کا حکم مانا جاتا ہے ،امانت دار ہے۔
وَ مَا صَاحِبُكُمْ بِمَجْنُوْنٍ(22)
اور تمہارے صاحب مجنون نہیں ۔
اور تمہارے صاحب ہر گز مجنون نہیں ۔
وَ لَقَدْ رَاٰهُ بِالْاُفُقِ الْمُبِیْنِ(23)
اور بیشک انہوں نے اسے روشن کنارہ پر دیکھا
اوریقینا بیشک انہوں نے اسے روشن کنارے پر دیکھا۔
وَ مَا هُوَ عَلَى الْغَیْبِ بِضَنِیْنٍ(24)
اور یہ نبی غیب بتانے میں بخیل نہیں ۔
اور یہ نبی غیب بتانے پر ہر گز بخیل نہیں ۔
وَ مَا هُوَ بِقَوْلِ شَیْطٰنٍ رَّجِیْمٍ(25)
اور قرآن مردود شیطان کا پڑھا ہوا نہیں
اور وہ(قرآن)ہر گز مردود شیطان کا پڑھا ہوا نہیں ۔
فَاَیْنَ تَذْهَبُوْنَﭤ(26)
پھر کدھر جاتے ہو ۔
پھر تم کدھر جاتے ہو؟
اِنْ هُوَ اِلَّا ذِكْرٌ لِّلْعٰلَمِیْنَ(27)
وہ تو نصیحت ہی ہے سارے جہاں کے لیے
وہ تو سارے جہانوں کے لیے نصیحت ہی ہے۔
لِمَنْ شَآءَ مِنْكُمْ اَنْ یَّسْتَقِیْمَﭤ(28)
اس کے لیے جو تم میں سیدھا ہونا چاہے
اس کے لیے جو تم میں سے سیدھا ہونا چاہے۔
وَ مَا تَشَآءُوْنَ اِلَّاۤ اَنْ یَّشَآءَ اللّٰهُ رَبُّ الْعٰلَمِیْنَ(29)
اور تم کیا چاہو مگر یہ کہ چاہے اللہ سارے جہان کا رب ۔
اور تم کچھ نہیں چاہ سکتے مگر یہ کہ اللہ چاہے جو سارے جہانوں کا رب ہے۔