اللہ کے نام سے شروع جو نہایت مہربان ، رحمت والاہے ۔

مجھے اِس شہر کی قسم۔

جبکہ تم اس شہر میں تشریف فرما ہو۔

اور باپ کی قسم اور اس کی اولاد کی ۔

یقینا بیشک ہم نے آدمی کو مشقت میں رہتا پیدا کیا۔

کیا آدمی یہ سمجھتا ہے کہ ہرگز اس پر کوئی قدرت نہیں پائے گا۔

کہتا ہے کہ میں نے ڈھیروں مال ختم کردیا۔

کیا آدمی یہ سمجھتا ہے کہ اسے کسی نے نہ دیکھا۔

کیا ہم نے اس کی دو آنکھیں نہ بنائیں ۔

اورایک زبان اور دو ہونٹ۔

اورہم نے اسے دو راستے دکھائے۔

پھر بغیر سوچے سمجھے کیوں نہ گھاٹی میں کود پڑا ۔

اور تجھے کیا معلوم کہ وہ گھاٹی کیا ہے؟۔

کسی بندے کی گردن چھڑانا۔

یا بھوک کے دن میں کھانا دینا۔

رشتہ دار یتیم کو۔

یا خاک نشین مسکین کو۔